الطريقة الصحيحة لعمل ورق العنب على الطريقة السورية في البيت


وقت بيكون موسم ورق العنب بشهر آذار ونيسان رح تعملي هي الأكلة تازة، وإذا ما كان موسمها رح تكوني مخزنة ورق العنب إما بالفريزة أو بمي وملح،

بتطلعي ورق العنب المكبوس بمي وملح وبتغسليه منيح وبتغليه مرتين وبتتخلصي من المي تبعو، وإذا كنتي مخزنتيه بالفريزة بتطلعيه ليفك التلج عنو، وبتغليه شوي وبعدها بيكون جاهز للف.

بتحضري الحشوة، عبارة عن رز منقوع ومغسول ومصفى ومتبل بنعنع يابس وملح وملح ليمون وبهار أصفر أو بهار الكاري وثوم مدقوق وماجي، أما مكعبات أو بودرة، وإذا بتضيفي شوي لحمة ناعمة ولية مفرومة ألذ، وشوي سمنة أو زيت.

بتبدأي بفرد ورق العنب ووضع الحشوة بداخله، ولفو لحتى تخلصي الكمية المراد تحضيرها، بتحطي بأسفل الطنجرة قطع لحمة بليتها أو قطع جاج وفوقها الورق الملفوف وبتكبسيها بصحن فخار وثقل،

وبتغمريه بمي وبتضيفي ملح ومكعب ماجي وشوي ملح ليمون، وبتتركيه عالنار لمدة ساعة أو نص بالضغط لحتى تطلع ريحتو الرائعة، وهيك بتكوني حضرتي ورق عنب بشهي.

You might also like

This website uses cookies to improve your experience. We'll assume you're ok with this, but you can opt-out if you wish. Accept Read More